പ്രധാന വാര്ത്തകള്....
പലപല വേദികളില്‍ തന്റെ കഴിവ് തെളിയിച്ച്, അംഗീകാരം നേടിയ പ്രതിഭ, ഭാവിയുടെ ഒരു വാഗ്ദാനം. പക്ഷെ എന്ത് ചെയ്യാം..... സ്വന്തം പിതാവിന്റെ സല്‍പ്പേര് കൊണ്ടോ, മറ്റുള്ളവരിലുള്ള ക്നാനായ വികാരത്തിന്റെ വേലിയേറ്റത്തിലോ, ചിക്കാഗോ KCYL സാരഥിയുടെ സ്ഥാനത്തിന് വേണ്ടിയുള്ള കടുത്ത മത്സരത്തില്‍ ഒരു പുതുമുഖത്തോട് ദയനീയമായി പരാജയപ്പെട്ടു.
മായം ചേര്‍ക്കാത്ത സ്പിരിട്ട് കലര്‍ന്ന ശുദ്ധ യഹൂദരക്തം മസ്തിഷ്കത്തില്‍ നിന്നാരംഭിച് ദ്രുതഗതിയില്‍ പെരുവിരലിലേയ്ക്ക് സിരകളിലൂടെ ഓടിക്കൊണ്ടിരുന്ന ചിലര്‍ ക്നാനായ നൈറ്റിന്റെ മറവില്‍ സ്കൂള്‍വക പാര്‍ക്കിംഗ് ലോട്ടില്‍ ഉന്മാദനൃത്തമാടിയപ്പോള്‍ സ്പിരിറ്റ്‌ കുപ്പികള്‍ മുന്നില്‍ വച്ച് അമേരിക്കന്‍ പോലീസ്‌ ഫോട്ടോയെടുത്തും, ടിക്കറ്റ് കൊടുത്തും (പെനാല്‍റ്റി അടിച്ചു എന്ന് മലയാളം പരിഭാഷ) കുപ്പിയിലെ സ്പിരിറ്റ്‌ മണ്ണില്‍ ഒഴിച്ചുകളഞ്ഞു.
പടപേടിച്ചു ഓടിയ നായരുടെ ആയുധം താഴെ പോയപ്പോള്‍, കുഞ്ചന്‍ നമ്പ്യാര്‍ ഇങ്ങനെ പാടി....
നായന്മാരങ്ങോടും നേരത്തായുധമെല്ലാം വഴിയില്‍ പോയി
ആയതു പിന്നെയുമുണ്ടാക്കീടാം, കായം കിട്ടുകില്‍ അതുബഹു ലാഭം!
അതുപോലെ, നമ്മുടെ ക്നാനായ സ്പിരിറ്റ്‌ മണ്ണിലൊഴിച്ചു കളയാന്‍ ഒരു സായിപ്പ് വിചാരിച്ചാലും നടക്കില്ല.
മൈന്‍ഡ്‌ ഇറ്റ്‌ യു സായിപ്പ്.
ടെക്സാസ് നഗരമായ ഹൂസ്റ്റണില്‍ പരിശുദ്ധ അള്‍ത്താരയില്‍ തിരുവസ്ത്രവും അണിഞ്ഞുനിന്ന് വൈദികന്‍, താന്‍ ഇവിടെ നിന്നുകൊണ്ട് സമുദായരാഷ്ട്രീയം പറയുമെന്ന് നമ്മുടെ കര്ത്താവീശോ മിശിയായുടെ നാമത്തില്‍ പ്രതിഞ്ജയെടുത്തു . വോയിസ്‌ റിക്കാര്‍ഡര്‍, വീഡിയോ ക്യാമറ – ഇതിലൊന്നും താന്‍ പേടിക്കില്ല എന്ന ആമുഖത്തോടെ, സാധാരണക്കാരുടെ ക്നാനായ വികാരത്തിനുമേല്‍ കടിഞ്ഞാണ്‍ ഇടാന്‍ ശ്രമിക്കുന്നു.
തന്റെ മേലധികാരിയെ ധിക്കരിക്കുന്ന, പള്ളി വാങ്ങാന്‍ വന്നിട്ട് വായില്‍ നോക്കിനടന്ന് കമ്മ്യൂണിറ്റി സെന്റര്‍ വാങ്ങാന്‍ കൂട്ട് നിന്ന, വൈദികനെ നാടുകടത്തുന്നു എന്നുള്ള കിംവദന്തി ശക്തമാകുന്നു. പള്ളി വാങ്ങാന്‍ കഴിയാത്ത കിഴങ്ങന്‍ പാതിരിമാര്‍ ഓര്‍ക്കുക:
ആലായാല്‍ തറ വേണം,
അടുത്തൊരമ്പലം വേണം,
പാതിരിയായാല്‍ പള്ളി വേണം
അടുത്തെങ്ങും സെന്റര്‍ വേണ്ട...
മറ്റൊരു ഗുണ്ടാപാതിരിയ്ക്ക് വിസയ്ക്കായി ചെന്നൈയില്‍ പോകാന്‍ ഭാഗ്യം തെളിയുന്നു....
ന്യൂയോര്‍ക്കിലും ഡാളസിലും, ഡിട്രോയിറ്റിലും സഭാ-സാമുദായിക സന്തുലിതാവസ്തയെക്കുറിച്ചു സംസാരിക്കാന്‍ പോലും സാധാരണക്കാര്‍ മടിക്കുന്നു. സംഘടനയുടെ ചുക്കാന്‍ പിടിക്കാന്‍ ആളെ വാടകയ്ക്കെടുക്കണമെന്ന അവസ്ഥയാണ് ആ ദേശങ്ങളില്‍.
യഥാര്‍ത്ഥ സമുദായസ്നേഹികളെ പള്ളിവിരോധികള്‍ എന്ന മുന്ദ്ര കുത്തി, അര-ക്നാകള്‍ക്കും, സീറോ-മലബാറിനും മാത്രം ഹോശാന പാടുന്നവര്‍ ഭദ്രകാളിക്ക് ഭ്രാന്തിളകിയപോലെ ഉറഞ്ഞുതുള്ളുന്നു.
തോല്‍വികള്‍ എറ്റുവാങ്ങാന്‍ സമുദായത്തെ സ്നേഹിക്കുന്ന സാധാരണക്കാരന്റെ ജീവിതം ഇനിയും ബാക്കി.
അമേരിക്കയിലെ ക്നാനയക്കാരന്റെ പുതിയ സ്വന്തം പത്രത്തില്‍ അടുത്ത ആഴ്ച ഈ വാര്ത്തകള് വിശദമായി വായിക്കാം. ഇത്തരം വാര്‍ത്ത ഒന്നും കണ്ടില്ലെങ്കില്‍,
ഉദ്ദേശശുദ്ദിയാല്‍ മാപ്പുനല്കിന്‍!
ചാക്കോച്ചന്‍ ചിക്കാഗോക്കുന്നേല്‍
No comments:
Post a Comment