മാര്ച്ച് 20-ന് കോട്ടയത്തുവെച്ച് അഭി: മൂലക്കാട്ടുപിതാവും ക്‌നാനായനേതാക്കളുമായിട്ടുള്ള കൂടിക്കാഴ്ച്ചയില്‍ പിതാവു പറഞ്ഞത് “നിങ്ങള്‍ കാര്യങ്ങള്‍ പഠിക്കണം” എന്നാണ്. ഏപ്രില്‍ ഒന്നിന് ചൈതന്യയില്‍ ചേര്ന്ന് മഹാസമ്മേളനത്തില്‍ ഇളപ്പാനിക്കലച്ചന്‍ പറഞ്ഞതും അതുതന്നെ - സമുദായക്കാര്‍ കൂടുതല്‍ പഠിക്കണം. അവസാനം പ്രസംഗിച്ച പിതാവ് പ്രസംഗം തുടങ്ങിയതുതന്നെ "നിങ്ങള്‍ കാര്യങ്ങള്‍ നന്നായി പഠിക്കണം" എന്നു പറഞ്ഞുകൊണ്ടാണ്.
2000 സെപ്റ്റംബറില്‍ നടത്തിയ എപ്പാര്ക്കിയല്‍ അസംബ്ലിയുടെ മാര്ഗ്ഗരേഖയില്‍ ക്‌നാനായക്കാര്‍ ആര് എന്നതിന്റെ നിര്വ്വചനം വായിച്ച മോണ്‍: ഇളപ്പാനിക്കലച്ചന്‍ ഭയങ്കര പഠനം നടത്തിയിട്ടും ഒരിത്തിരി തെറ്റി. അദ്ദേഹം വായിച്ചത് പെന്തക്കോസ്തുകാര്‍ ബൈബിള്‍ വ്യാഖ്യാനിക്കുന്നതുപോലെ ഇടയ്ക്കു നിന്നും ഒരു വാചകം മാത്രം. പിന്നാലെ പ്രസംഗിച്ച വ്യക്തി അതിന്റെ പൂര്ണ്ണ രൂപം വായിച്ചപ്പോള്‍ മനസ്സിലായി മോണ്‍: ഇളപ്പാനിയുടെ പഠനവിശേഷം. യോഗക്കാരുടെ മുന്നില്‍ അദ്ദേഹം ആക്ഷേപപാത്രമാകുകയും ചെയ്തു.
No comments:
Post a Comment