ബ്രിന്മാവർ കാർ‍ഡിഫ് ന്യൂപോർ‍ട്ട്‌ യൂണിറ്റ് ഏകദിന ടൂര്‍ നടത്തി

കാർ‍ഡിഫ്: ബ്രിന്മാവർ കാർ‍ഡിഫ് ന്യൂപോർ‍ട്ട്‌ ക്‌നാനായ കാത്തലിക് അസോസിയേഷന്റെ ‍ആഭിമുഖ്യത്തിൽ‍ ജൂലൈ 21നു ടെൻ‍ബി ബീച്ചിലേക്ക്‌ നടത്തിയ ഏകദിന പിക്‌നിക്കിൽ യൂണിറ്റിന്റെ വിവിധ ഭാഗങ്ങളിൽ താമസിക്കുന്ന 75 ഓളം ക്‌നാനായ മക്കൾ ആവേശപൂർ‍വം പങ്കെടുത്തു. പരമ്പരാഗത ക്‌നാനായ ഗാനങ്ങളും നടവിളിയുമൊക്കെ പരിപാടികൾക്ക് കൊഴുപ്പേകി. ഉച്ച ഭക്ഷണത്തിനു ശേഷം വിവിധ പ്രായക്കാർ‍ക്കു വേണ്ടിയുള്ള കായിക മത്സരങ്ങളിൽ‍ എല്ലാവരും ആവേശപൂർ‍വം പങ്കെടുത്തു. പിന്നീട് നടന്ന കടലിലൂടെയുള്ള സീൽ‍ ക്രൂയിസിംഗ് അംഗങ്ങൾക്ക് വ്യത്യസ്തമായഅനുഭവമായിരുന്നു. സമാപന ചടങ്ങിൽ‍ ഓസ്ട്രേലിയയിലേക്ക് കുടിയേറി പോകുന്ന ബിനോ വെള്ളാംചേരിലിനും കുടുംബത്തിനും യൂണിറ്റിന്റെ വകഉപഹാരം പ്രസിഡന്റ്‌ ബിജു പന്നിവേലിൽ കൈമാറി. മൽ‍സര വിജയികൾ‍ക്ക്‌ സമ്മാനങ്ങളും വിതരണം ചെയ്‌തു. വൈകുന്നേരം ആറുമണിയോടെ പിക്‌നിക്കിനു സമാപനമായി. പരിപാടികൾക്ക് സെക്രട്ടറി ജസ്റ്റിൻ‍ കാട്ടാത്ത്‌, അനിൽ കോയിത്തറ, തോമസ്‌ പനങ്ങാട്ട്, ജോസ് കടുതോടിൽതുടങ്ങിയവർ നേതൃത്വം നല്‍കി. ചിത്രങ്ങൾ‍ക്ക് ചുവടെ കാണുന്ന ലിങ്കിൽ ക്ലിക്ക് ചെയ്യുക. 

https://picasaweb.google.com/Bijupanvel/July222012#5767956724428424706

https://picasaweb.google.com/Bijupanvel/July22201202#5767999177202044514