REPUBLIC DAY THOUGHTS

ഇന്ന് ഇന്ത്യ രിപുബ്ലിക് ദിനം കൊണ്ടാടുന്നു. എത്ര ധന്യ ജീവിതങ്ങളുടെ ത്യാഗമാണ് ഇത് നമുക്ക് നേടിത്തന്നത്. അവരുടെ ഓര്‍മയ്ക്ക് മുന്‍പില്‍ ശിരസ് നമിക്കുന്നു. ഒത്തിരി വെക്തികള്‍ക്ക് പുരസ്കാരങ്ങള്‍ കൊടുത്തു. അതില്‍ സിനമകള്‍ കോപ്പിയടിച്ചു എന്ന് തുറന്നു പറഞ്ഞ പ്രയദര്‍ശന്‍ വരെ ഉണ്ട്. എന്നാല്‍ എന്നെ ചിന്തിപ്പിച്ചത് നാട്ടുകാരന് വേണ്ടി കടമായി മാറ്റിവച്ച ലോട്ടറി ടിക്കറ്റ്‌ന് കോടികള്‍ സമ്മാനം ഉണ്ടാന്നറിഞ്ഞിട്ടും ആര്‍ക്കുവേണ്ടി മാറ്റി വച്ചോ അവനു കൈമാറിയ സുരേഷിന്റെ വെക്തിത്വമാണ്. കട ബാധ്യത ഉണ്ടായിട്ടും നീതി കാട്ടിയ വലിയ മനസിനെ എങ്ങനെ ചെറുതായി കാണും. എന്റെ അഭിനന്ദനം.

സുരേഷ് ഒരു ക്രിസ്തുമത വിശ്വാസി അല്ല, ധ്യാനങ്ങള്‍ ദിവസവും കൂടുന്ന ആളും അല്ല. പക്ഷെ എത്ര നല്ല ജീവിത മാതൃകയാണ് നമ്മുടെ മുന്‍പില്‍ വച്ചിരിക്കുന്നത്. എങ്ങനെ ശിരസ് നമിക്കാതിരിക്കും. യേശുവിന്റെ അനുയായി എന്ന് ഗര്‍വു പറയുന്ന നമുക്ക് ഇതുപോലെ ആകുവാന്‍ കഴിയുമോ? സമ്മാനം കൈമാറാതെഇരിക്കുവാന്‍ ഏതെല്ലാം ന്യായങ്ങള്‍ നമ്മള്‍ നിരത്തും.

മത്തായി 5:8 ല്‍ പറയുന്നു Blessed are the pure in heart for they will see God.

ഈ കാലത്തും ഇതുപോലെ യുള്ളവര്‍ ഉണ്ടല്ലോ എന്ന് ഓര്‍ത്തു പോയി. ചെറുപ്പത്തില്‍ പഠിപ്പിക്കുകയും എത്രയോ പ്രാവശ്യം ചൊല്ലിയതുമായ പ്രാര്‍ത്ഥന ആണ് എളിമയും ശാന്തതയും ഉള്ള ഈശോയെ എന്റെ ഹൃദയം നിന്റെ ഹൃദയം പോലെ ആക്കണമേ എന്ന്. പക്ഷെ ജീവിത യാത്രയില്‍ എളിമയും ശാന്തതയും കൈ വിട്ടു പോകുന്നു. ഈശോയുടെ ഹൃദയം പോലെ ആകില്ല എന്ന് ബോധ്യമുള്ളതുകൊണ്ടായിരിക്കാം ഇന്ന് അറിയാതെ പറഞ്ഞുപോയി ഒന്നുമില്ലങ്കിലും ലോട്ടറിക്കാരന്‍ സുരേഷിന്റെ ഹൃദയം പോലെ അക്കണമേ എന്ന്.