ബ്രിട്ടീഷ്‌ ക്നാ ബ്ലോഗ്‌ വളരെ നന്നായി പോകുന്നു. ഇങ്ങനെ ഒരു വേദി ഉണ്ടാക്കിയത് നന്നായി. അഭിപ്രായം പറയുവാന്‍ ഒരു വേദി ഉണ്ടായപ്പോള്‍ അതില്‍ സംശയം പ്രകടിപ്പിക്കുക സ്വാഭാവികം. എന്തിനെയും സംശയത്തോടെ നോക്കുന്നവര്‍ ഉണ്ട്. കാലം കുറെയൊക്കെ മാറ്റും. ചര്‍ച്ച ചെയ്യപ്പെടെണ്ട വിഷയങ്ങള്‍ ആരും കൊണ്ടുവരുന്നില്ല എന്നത് സത്യമാണ്. പേര് വച്ചാല്‍ മറ്റുള്ളവര്‍ എന്ത് കരുതും എന്ന് കരുതി അഭിപ്രായങ്ങള്‍ മൂടി വക്കുന്നു. ഇങ്ങനെയുള്ളവര്‍ ആണ് യഥാര്‍ത്ഥ സമുദായവിരോധികള്‍. കാരണം സ്നേഹമുണ്ടെങ്കില്‍ ശാസിച്ചു എന്ന് വരാം. തെറ്റിനെ തെറ്റ് എന്ന് പറഞ്ഞേക്കാം. അങ്ങനെ പറയുന്നവരെ വിരുദ്ധര്‍ എന്ന് ചിത്രീകരിക്കാമോ?.
പത്തുവര്‍ഷം ആയ അസോസിയേഷന്‍ ഏറ്റവും ചര്‍ച്ച ചെയ്തു നടപ്പാക്കേണ്ടത് അതിന്റെ ഭരണഘടന തന്നെയാണ്. അതിനു വ്യക്തത ഉണ്ടായിരുന്നെങ്കില്‍ ഇന്നത്തെ പല പ്രശനങള്‍ക്കും ഉത്തരം കാണാമായിരുന്നു. ഉദാഹരണത്തിന് യുണിറ്റ് തമ്മില്‍ ഉള്ള അകലം ഏതു മാപ്പ് പ്രകാരമാണ്, shortest ആണോ fastest ആണോ കണക്കാക്കേണ്ടത്; പരിപാടികള്‍ സാധാരണ നടക്കുന്ന സ്ഥലം മുതല്‍ ആണോ അതോ സിറ്റി സെന്റര്‍ലെ ഏതു പോയിന്റ്‌ മുതല്‍ ആണ് കണക്കാക്കേണ്ടത്?
Election നടത്തുന്നത് ഏതു പ്രകാരമായിരിക്കണം, എത്ര ദിവസം മുന്‍പ് voters ലിസ്റ്റ് പുറത്തു വിടണം. അതിന്റെ കോപ്പി UKKCA ക്ക് കൊടുത്തതിനു ശേഷമേ Election നടത്താവൂ.
ആരായിരിക്കണം presiding ഓഫീസര്‍. അടുത്ത യുണിറ്റ് പ്രസിഡന്റ്‌ അല്ലങ്കില്‍ കേന്ദ്രം നിയോഗിക്കുന്ന ആള്‍. പരാതി ഉണ്ടങ്കില്‍ എന്ത് ചെയയ്യണം. ഒരു അപേക്ഷ സമര്‍പ്പിച്ചാല്‍ എത്ര ദിവസത്തിനകം വിവരം അറിയിക്കണം. അപ്പീല്‍ ഉണ്ടങ്കില്‍ എത്ര ദിവസത്തിനകം സമര്‍പ്പിക്കണം.
വരവ് ചെലവ് കണക്കു എത്ര മാസം കൂടുമ്പോള്‍ ഓഡിറ്റ്‌ ചെയയ്യണം. ഭാരവാഹികള്‍ക്ക് ടി.എ എഴുതി എടുക്കാമോ? പെട്രോള്‍ ചിലവെങ്കിലും നല്‍കണമോ?
എല്ലാവര്ക്കും ജോലിയും വീട്ടുകാര്യവും ഉള്ളതുകൊണ്ട് region തിരിച്ചു കാര്യങ്ങള്‍ നടത്താമോ?
മണ്ണിന്റെമക്കള്‍ വാദം പോലെ പേരുകള്‍ പ്രശ്നം ഉണ്ടാക്കതിരിക്കുവാന്‍ വിശുദ്ധന്‍ അല്ലങ്കില്‍ വിശുദ്ധമാരുടെ പേരുകള്‍ നല്‍കി region തിരിക്കാമോ ?
National കൌണ്‍സില്‍ എണ്ണം കുറച്ചാല്‍ കുറെ കൂടി ക്രിയാല്മക ചര്‍ച്ച നടക്കില്ലേ. ഒരു തിരുനാളിനുള്ള ആള്‍ കൌണ്‍സില്‍ വേണോ? യുണിറ്റ് പ്രസിഡന്റ്‌, National കൌണ്‍സില്‍ മെംബേര്‍സ് മാത്രം പോരെ National കൌണ്സിലില്‍.
ആദ്യാത്മിക ഉപദേഷ്ടാവിന്റെ ചുമതല എന്ത്?. വെറുതെ അവരെ പരിഹാസപാത്രം ആക്കേണ്ട കാര്യമുണ്ടോ?
പത്രങ്ങളിലും മറ്റും വാര്‍ത്തകള്‍ കൊടുക്കുമ്പോള്‍ അനുവര്‍ത്തിക്കേണ്ട നിബദ്ധനകള്‍ എന്ത്?
മേല്പറഞ്ഞ കാര്യങ്ങളും അതുപോലെയുള്ള നല്ല കാര്യങ്ങളും ചര്‍ച്ച ചെയയ്യപ്പെടെണ്ടതും ഭേതഗതികള്‍ വരുത്തേണ്ടത് ഭാവിക്ക് നല്ലതല്ലേ?
അടുത്ത കൌണ്‍സില്‍ എങ്കിലും ബൈലോ ഭേതഗതി വരുത്തി കുറെകൂടി ക്രിയാത്മക പരിപാടികള്‍ നടത്തുക. കണ്‍വെന്‍ഷന്‍ നടത്തി നമ്മള്‍ പിരിഞ്ഞാല്‍ മാത്രം മതിയോ?
UKKCA യുടെ വെബ്സൈറ്റ് അഭിപ്രായങ്ങള്‍ എഴുതുവാനുള്ള വേദികൂടി ആയിരുന്നെങ്കില്‍ നന്നായിരുന്നു. ഒപ്പം അത് UKKCYL കുട്ടികളെ ഏല്പിച്ചാല്‍ പുതിയ രൂപവും ഭാവവും വരില്ലേ?
ഉന്നതവിജയം നേടുന്ന കുട്ടികളുടെയും സമൂഹത്തില്‍ ആരെങ്കിലും നേട്ടം കൈവരിച്ചാല്‍ അവരെക്കുറിച്ചുള്ള വിവരണവും ആശംസകള്‍ അറിയിക്കുവാനുള്ള സൌകര്യവും വെബ്‌സൈറ്റില്‍ ഉള്‍പെടുത്തിയാല്‍ നല്ലതല്ലേ?
എന്റെ ക്നാനായ സഹോദരി സഹോദരന്മാരുടെ അഭിപ്രായങ്ങള്‍ എഴുതുമല്ലോ?
പരസ്പരം ചെളി വാരിയെറിയുന്നത് നിര്‍ത്തി, നമുക്ക് പ്രയോജനപ്രധമായ്‌ വല്ലതും ചര്‍ച്ച ചെയ്യാം.
ജസ്റ്റിന്‍ ആകശാല
No comments:
Post a Comment