നിങ്ങള്ക്കുമാകാം യോഗീശ്വരന്‍!

പത്ത് ചോദ്യങ്ങള്‍, പത്ത് ശരിയുത്തരങ്ങള്‍........

സ്വര്‍ഗ്ഗത്തിലേക്ക് ഒരു ഫ്രീ പാസ്!

(അത്മായശബ്ദത്തിനു വേണ്ടി തയ്യാറാക്കിയത്: റോഷന്‍ ഫ്രാന്‍സിസ്)

ചോദ്യം 1:

'ദൈവം അനന്തസ്നേഹമാകുന്നു, വ്യവസ്തകള്‍ക്കതീതനാകുന്നു'.

ദൈവത്തെ പാപം ചെയ്തു വെറുപ്പിക്കാന്‍ ആര്‍ക്കു കഴിയും?

Options :

A) മെത്രാന്മാര്‍ക്ക് 

B ) വൈദികര്‍ക്കു

C ) അല്മായര്‍ക്കു  

D) ആര്‍ക്കും സാധിക്കില്ല

ചോദ്യം 2

'വിതക്കുന്നവന്‍ വിതച്ചത് കൊയ്യും, വാളെടുക്കുന്നവന്‍ വാളാലേ '.

ഈ വചനങ്ങള്‍ക്ക് ഒഴിവുകഴിവ് വി. ബൈബിള്‍ പറയുന്നില്ല. അപ്പോള്‍ കുമ്പസ്സാരം കൊണ്ട് എന്തെങ്കിലും പ്രയോജനമുണ്ടോ?

Options:

A) കുമ്പസ്സാരിക്കുന്നവന് മന:സുഖം കിട്ടും 

B ) വൈദികര്‍ക്കു വല്ലവന്റെയും പാപങ്ങള്‍ കേട്ട് രസിക്കാം 

C ) അല്മായരെ ഭിഷണിപ്പെടുത്തി നിലക്ക് നിര്‍ത്താം

D) സഭയിലൂടെ രക്ഷയുണ്ടെന്നു വാദിക്കാം.

ചോദ്യം 3

വരുമാനത്തിന്റെ ദശാംശം പള്ളിക്കോ ആര്‍ക്കെങ്കിലുമോ കൊടുക്കണമെന്ന് പറയുന്ന ഏതെങ്കിലും വചനം വി. ബൈബിളില്‍ ഉണ്ടോ?

Options:

A) ബൈബിള്‍ തലതിരിച്ചുപിടിച്ചു വായിച്ചാല്‍ കാണാം  

B ) പഴയ നിയമത്തിലെ ഐതിഹ്യകഥകളില്‍ ഉണ്ട്

C ) മഹാപവ്വത്തില്‍ ഉണ്ട് 

D) രൂപതാ നിയമാവലിയില്‍ ഉണ്ട്.

ചോദ്യം 4

'നീതിക്ക് വേണ്ടി പാടുപെടുന്നവര്‍ ഭാഗ്യവാന്മാര്‍' യേശു ഇങ്ങിനെ പറഞ്ഞു. ആരാണ് ഇപ്പോള്‍ നീതിക്ക് വേണ്ടി മുറവിളികൂട്ടുന്നത്‌?

Options:

A) മെത്രാന്മാര്‍

B ) അല്മായര്‍

C ) നേഴ്സുമാര്‍

D) കന്യാസ്ത്രിമാര്‍.

ചോദ്യം 5

'പത്രോസിനോ യേശുവിന്‍റെ ശിഷ്യര്‍ക്കോ ഇല്ലാതിരുന്ന തെറ്റാവരം മാര്‍പ്പാപ്പാമാര്‍ക്ക് എങ്ങിനെ കിട്ടി?

Options:

A) സ്വയം എടുത്തു

B ) യേശു പ്രത്യക്ഷപ്പെട്ട്, എടുത്തോളാന്‍ പറഞ്ഞു

C ) അല്മായര്‍ നിര്‍ബന്ധം പിടിച്ചു കൊടുത്തു 

D) കണ്ടു പിടിച്ചവനുള്ള പേറ്റന്റ് അവകാശം നിയമപ്രകാരം സ്വന്തമാക്കി 

ചോദ്യം 6

യേശുവിനെ കുരിശില്‍നിന്നിറക്കി, ഒപ്പീസ് ചൊല്ലി അടക്കിയത്‌ ആരാണ്?

Options : 

A) യോഹന്നാന്‍

B) അരിമത്തയാക്കാരന്‍ ജൊസഫ്

C) യേശു പള്ളിയുടെ ചുമതല കൊടുത്ത പത്രോസ്.

D) ഒപ്പീസ് അന്ന് കണ്ടുപിടിച്ചിട്ടില്ല

ചോദ്യം 7

വെറും 33 ദിവസം മാത്രം സഭ ഭരിച്ച ജോണ്‍ പോള്‍ ഒന്നാമന്‍ മാര്‍പ്പാപ്പയുടെ മരണകാരണം?

Options : 

A) മാര്‍പാപ്പമാര്‍ ഉപയോഗിച്ചിരുന്ന രാജഭാഷ ഇദ്ദേഹം ഇഷ്ടപ്പെട്ടിരുന്നില്ല.

B) മാര്‍പാപ്പയുടെ കിരീടധാരണ ചടങ്ങുകള്‍ നിരസിക്കുകയും ലളിതമാക്കുകയും ചെയ്തു 

C) വിനീതനായ ഈ മാര്‍പാപ്പാ ഒന്നാംതരം ഒരു വാഗ്മിയുമായിരുന്നു

D) ആരുടേയും സമ്മര്‍ദ്ധത്തിനു വഴങ്ങിയില്ല.

ചോദ്യം 8

അറുന്നൂറു വര്‍ഷങ്ങള്‍ മുമ്പു വിശുദ്ധ കാതറിന്‍ അന്നത്തെ മാര്‍പാപ്പയായ ഗ്രിഗറി പതിനൊന്നാമന് എഴുതിയത് ഇങ്ങനെ,

"റോമന്‍ കാര്യാലയത്തിന്‍റെ പാപത്തിന്‍റെ ദുര്‍ഗന്ധംമൂലം ലോകം ഓക്കാനിക്കുകയും സ്വര്‍ഗ്ഗത്തില്‍ ദീനമുണ്ടാകുകയും ചെയ്യുന്നു".

ഇപ്പോള്‍ എന്തെങ്കിലും മാറ്റമുണ്ടായിട്ടുണ്ടോ?

Options : 

A) ഒരു മാറ്റവുമില്ല 

B ) പാലാ, ചങ്ങനാശ്ശേരി, കോട്ടയം ഭാഗങ്ങളില്‍ നേരിയ ചലനം ഉണ്ട് 

C )  ഒന്നിനൊന്നിനു കൂടിക്കൊണ്ടിരിക്കുന്നു 

D) ക്ലാവര്‍ കുരിശുള്ളിടത്തോളം കാലം യാതൊരു മാറ്റവും പ്രതീക്ഷിക്കേണ്ട.

ചോദ്യം 9

കത്തോലിക്കാസഭയും കമ്യുണിസ്ടുകാരും തമ്മിലുള്ള വ്യത്യാസം?

Options:

A) അധികാരികള്‍ തിരുമാനിച്ചാല്‍,അതെന്താണെങ്കിലും നടത്തിയിരിക്കും   

B ) കൂട്ടത്തിലുള്ളവനെ എന്തുവിലകൊടുത്തും സഹായിക്കും

C ) മറുചോദ്യം ചോദിക്കാന്‍ ആരെയും അനുവദിക്കില്ല 

D) പറയുന്നതും പ്രവര്‍ത്തിക്കുന്നതും തമ്മില്‍ യാതോരു ബന്ധവുമില്ല.

ചോദ്യം 10

യൂറോപ്പില്‍ പ്രൗഡിയോടും, പ്രതാപത്തോടുംകൂടി തലയുയര്‍ത്തി നിന്നിരുന്ന പല പള്ളികളും ബസ്സിലിക്കകളും ഇന്ന് പുരാവസ്തു വകുപ്പുകാര്‍ക്കു പോലും ഭാരമായി തീര്‍ന്നിരിക്കുന്നു. കാരണം എന്ത്?

Options : 

A) കാണാന്‍ സന്ദര്‍ശകരില്ല

B ) സംരക്ഷണചിലവിനുള്ള പണമില്ല

C) നോക്കാന്‍ അച്ചന്മാരില്ല

D) സഭ സ്വന്തം അവയവമാണെന്നു പറഞ്ഞ പരി. ആത്മാവിനെ കാണാനില്ല.