പ്രിയ ജിഷുപ്രസിഡന്റ് അറിയുവാന്
ജിഷു അയച്ച കത്ത് കിട്ടി (Please see note below). ഇന്ത്യന് പ്രസിഡന്റ് അല്ലങ്കില് പ്രധാനമന്ത്രി ഒരിക്കലും സ്വന്തം പ്രസംഗം എഴുതാത്തതുപോലെ ഇതും അങ്ങയുടെ സെക്രട്ടറി എഴുതിയാതാണെന്നു നിസംശയം പറയാം. സാരമില്ല; എങ്കിലും മറുപടി പറയാതെയും പറ്റില്ലല്ലോ.
വളരെ മനോഹരമായി ചിട്ടപെടുത്തി വായനക്കാരന് - പ്രത്യേകിച്ച് സ്ത്രീകള്ക്ക് - അലിവു തോന്നിക്കുന്ന തരത്തില് എഴുത്ത് എഴുതിയതു ആരാണെങ്കിലും അദ്ദേഹത്തെ അഭിനന്ദിക്കുന്നു. ഇതു പാഷാണം കഴിക്കാത്ത കുട്ടികള്ക്ക് മധുരത്തില് പൊതിഞ്ഞു നല്കി കൊല്ലുന്നതു പോലെയാണ്.
എഴുത്തിന്റെ തുടക്കത്തില് തന്നെ “അഭിമാനക്ഷതം” സംഭവിച്ചു എന്ന് സമ്മതിക്കുന്നു. പക്ഷെ പത്രത്തില് വന്നതും ബ്ലോഗ്ലെ ന്യൂസ്മാണ് പ്രശ്നമായി കാണിക്കുന്നത്. പത്രക്കാര് അവരുടെ ജോലി ചെയ്യട്ടെ. സഹോദരാ, തീ ഉള്ളിടത്തല്ലേ പുക കാണുകയുള്ളൂ. നമ്മള് നോക്കേണ്ടത് തീ എവിടെ നിന്ന് വന്നു; ഒപ്പം അത് കെടുത്തുക. അതല്ലേ ബുദ്ധിയുള്ളവര് ചെയ്യ്യുന്നത്. പക്ഷെ MKCA യില് നടന്നതോ? തീയുടെ മുകളില് ഓയില് ഒഴിച്ച് കൈകൊട്ടി ചിരിക്കുന്നു.
വോട്ടെടുപ്പ് നടന്നു കഴിഞ്ഞു പ്രായപൂര്ത്തി ആയവര്ക്ക് വോട്ട് കൊടുത്തതിനെ ആരും ചോദ്യം ചെയ്തില്ലല്ലോ? ഇവിടെ എക്സിക്യൂട്ടീവ് കമ്മറ്റിയുടെ തീരുമാനം പൊതുയോഗം മാറ്റി. പ്രസിഡന്റ് തങ്കച്ചനെ മാറ്റാന് മറ്റൊരു വകുപ്പ് പറയുന്നു. എക്സിക്യൂട്ടീവ് കമ്മിറ്റിയാണ് ഫൈനല് അതോറിട്ടി എന്ന്. വിഗാന് യുണിറ്റ് കാര്യം വരുമ്പോള് UKKCA എക്സിക്യൂട്ടീവ് കമ്മിറ്റി അനുമതി കൊടുത്തു. അതിനെ എതിര്ക്കുന്നു. അപ്പോള് MKCA യില് എക്സിക്യൂട്ടീവ്നു അധികാരം ഉണ്ട്. UKKCA യില് എക്സിക്യൂട്ടീവ് വെറും നോക്കുകുത്തികള് - ഇതാണോ അങ്ങയുടെ പ്രമാണം? ചില നാട്ടു പ്രമാണിമാര്ക്ക് വീട്ടില് ചെല്ലുമ്പോള് വീട്ടുകാരി പറയുന്നതാണ് പ്രമാണം. ഇന്ന് പുറത്തു തണുപ്പാണെങ്കിലും വീട്ടില് കയറണ്ട എന്ന് പറഞ്ഞാല് അതാണ് പ്രമാണം. ഇതുപോലെ MKCA യുടെ താളത്തിന് UKKCA തുള്ളണമോ? അപ്പോള് ആരാണ് അധികാരി. ആര്ക്കാണ്, അധികാരം?
ഒരു തെരഞ്ഞെടുപ്പിന് ശേഷം തിരുമറി കണ്ടാല് അപ്പീല് കൊടുക്കാം. അത് അറിയില്ലേ? അതാണ് ഇവിടെയും നടന്നത്. അത് എങ്ങനെ ക്നാനായ ഐക്യത്തെ തകര്ക്കും? സത്യം ഉണ്ടങ്കില് കണ്ടുപിടിക്കട്ടെ ഇല്ലെങ്കില് വേണ്ട. ഏതായാലും നാലുപേരെ തെരഞ്ഞെടുക്കാനുള്ള തീരുമാനം മാറ്റണമല്ലോ. അപ്പോള് ലിസ്റ്റില് തിരിമറി നടന്നില്ലേ? അതാണോ ക്നാനായ തനിമ? ഇതാണോ വിശ്വാസം? മറ്റു യുണിറ്റ്കാരെ കബളിപ്പിക്കുവാന് നോക്കിയില്ലേ? ഇതാണോ കഴിഞ്ഞ കാലങ്ങളില് നമ്മള് നേടിയെടുത്ത നേട്ടങ്ങള്?
വനിതാ പ്രധിനിതികളെ നിങ്ങള് മാറ്റുമോ? അതോ മാതൃകയായി മാത്യു കുര്യന് മാറുമോ? വനിതകള്ക്ക് വേണ്ടി വാദിക്കുമ്പോള് എന്തുകൊണ്ട് അവരെ UKKCA യുടെ തെരഞ്ഞെടുപ്പില് ഇറക്കാതെ മാത്യു കുര്യന് കളത്തില് ഇറങ്ങി?
മാത്യു കുര്യന് മാത്രമേ UKKCA യെ രക്ഷിക്കയുള്ലോ? അപ്പോള് എവിടെ പോയി വനിതാപ്രേമം? ഇതു തന്നെയാണ് ഞങ്ങള് പറഞ്ഞത് - അദ്ദേഹം ആട്ടിന്തോലിട്ട ചെന്നായ് ആണന്ന്. ജിഷുവിനെ പോലെയുള്ളവരെ മുന്പില് നിറുത്തി സ്വന്തം കാര്യം കാണും. മാനഹാനി മുന്പില് നില്ക്കുന്നവര്ക്കും സ്ഥാനമാനം തനിക്കും. വനിതകളെ മുന്പില് നിറുത്തി താന് വോട്ട് നേടി. ഇപ്പോള് അവര്ക്ക് സ്ഥാനമില്ല.
ഒരാള് രാജി വെക്കണോ വേണ്ടയോ എന്നത് ആ വ്യക്തിയുടെ ഇഷ്ടമാണ്. പ്രസിഡന്റ് രാജി വച്ചാല് വൈസ്പ്രസിഡന്റ് ചാര്ജ് എടുക്കും. ആ വിവരം മെംബേര്സ്നെ അറിയിക്കും. അടുത്ത് നടക്കുന്ന പൊതുയോഗത്തില് പുതിയ പ്രസിഡന്റ് തെരഞ്ഞെടുപ്പു കാര്യം മെംബേര്സ്നെ അറിയിക്കും. അങ്ങനെ ആണ് പുതിയ പ്രസിഡന്റ് വരുന്നത്. അല്ലാതെ കൃസ്തുമസ് പരിപാടിക്ക് വന്നവരോട് “പ്രസിഡന്റ് ആകുന്നോ പ്രസിഡന്റ് ആകുന്നോ?” എന്ന് ചോദിച്ചല്ല ഒരാള് പ്രസിഡന്റ് ആകുന്നതും ആക്കുന്നതും. ഇതൊന്നും അറിയാത്തവര് ഉപദേശിമാരായാല് ഇതല്ല ഇതിനപ്പുറവും നടക്കും.
അത്താഴപട്ടിണിക്കരുണ്ടോ അത്താഴപട്ടിണിക്കരുണ്ടോ എന്ന് ചോദിച്ചു ആരും ഇല്ല എന്ന് ഉറപ്പു വരുത്തി പടി അടക്കാന് നേരം “ഉണ്ടേ” എന്ന് പറഞ്ഞു അകലെ ഇരുട്ടിലെ ഏതോ മൂലയില് നിന്നും എഴുനേറ്റുവന്നവനെ പോലെ അങ്ങ് പ്രസിഡന്റ് ആയി എന്ന് ഞങ്ങളെ അറിയച്ചതിനു നന്ദി. അങ്ങയുടെ സ്വപ്നം പൂവണിഞ്ഞു. പക്ഷെ ഇല്ലത്തെ കാര്യം കഷ്ടത്തിലാണെന്നു ഓര്മ വേണം. കെട്ടുറപ്പിന് വേണ്ടി ആണ് അങ്ങ് ഇതു ഏറ്റത്, പക്ഷെ അടിത്തറ തന്നെ ഇളകി ആണ് ഇരിക്കുന്നത്. അതല്ലേ പലരും ഈ പണി വേണ്ട എന്ന് പറഞ്ഞു തലയില് തന്നത്. പത്രങ്ങള് വഴി വാര്ത്ത വരുന്നത് പുതുമ അല്ലങ്കിലും ഇല്ലത്തെ പുതിയ വേളിക്കാരന്റെ ഫോട്ടോ ഞങ്ങള് പത്രം വഴിയാണ്കണ്ടത് - മറക്കല്ലേ
സജിയച്ചന് എഴുതി അറിയിച്ച കത്തും പത്രക്കാര്ക്ക് കിട്ടി. അതെങ്ങനെ?. അതിലൂടെ നമ്മുടെ സമുദായം നേട്ടം ഉണ്ടാക്കിയോ?
പഴയ പേരുകേട്ട ഈ തറവാടിനു എന്ത് പറ്റി എന്ന് പ്രശ്നം വച്ച് നോക്കണോ? എല്ലാ മന്ത്രവും തന്ത്രവും അറിയാവുന്ന ആള് ഇപ്പോള് മേല്ശാന്തി തെരഞ്ഞെടുപ്പില് കുറി ഇട്ടിരിക്കുക അല്ലെ? പോരെ പൂരം.
സഹോദരാ, അങ്ങ് റെജിചേട്ടന്റെ പേര് പറഞ്ഞു. അദേഹത്തെ ഈ കാര്യം വല്ലതും അറിയിച്ചോ? ഒന്നും ഇല്ലങ്കിലും പഴയ ആള് അല്ലായിരുന്നോ? ഇല്ലെങ്കില് വേറെ ഒരു മദ്യസ്തനെ വച്ച് ഇരു ഭാഗത്തിനും പറയുവാന് ഉള്ളത് കേട്ട് പ്രശ്നം തീര്ക്കുവാന് പാടില്ലായിരുന്നോ?
അവസാനമായി ഒരു ചോദ്യം: വിഗാന് യുണിറ്റ് തകര്ക്കാന് മാത്യു കുര്യന് നടത്തിയ നാടകങ്ങള് എല്ലാവര്ക്കും അറിയാവുന്ന കാര്യമല്ലേ പിന്നെ എന്തുകൊണ്ട് അതുകൂടി എഴുതി ഞങ്ങളെ അറിയിച്ചില്ല. ചിലത് മൂടി വക്കുന്നതും ചിലരെ സംരക്ഷിക്കുന്നതും കെട്ടുറപ്പ് ഉണ്ടാക്കുമോ അതോ ഉള്ള കെട്ടുറപ്പ് കൂടെ പോകുമോ?
വിഗാന് യുണിറ്റ് ഉണ്ടാക്കിയിരുന്നെങ്കില് ഇപ്പോള് മൂന്നു മുറി ആകുമായിരുന്നോ? മൂത്തവര് ചൊല്ലും മുതു നെല്ലിക്ക .............
Administrator’s Note:
Any member of Knanaya Community in U.K. can become a Contributor and post whatever he wants (subject to certain minimum criteria) in British Kna. We welcome people who do not agree with what is said here to become contributors and write their views and opinion. Instead of doing that, unfortunately, some of our people are trying to brand this as a blog against the interests of the community. Such people have their hidden agenda: they don’t want any open discussion. They want to do things in their dictatorial style.
The letter from the present President of MKCA, referred to above was sent to each member of the Unit by post. Since the executives thought was is below their dignity to post it here (so that the entire community members could see the content, especially in view of the impending UKKCA Election ) we feel it need not be posted here.
Therefore, the content of the letter under reference is left to the imagination of the visitors of this blog. Alternatively, they could try requesting the MKCA President for a copy.
No comments:
Post a Comment